Ibbendibbendapp

E Levve lang jerödelt. Vill Schotter jemaat.
Jede Penning jeraaf. Op de huhe Kant jelaat.
Kniestich wie e Freese, froß hä singe Dreß.
An d'r Raafjeer versteck. Jetz litt hä en d'r Keß.
Ibbendibbendapp: nevven d'r Kapp.
Eenemeenemutz: usjefutz.

Et Stina vun d'r Rennbahn hät niemols jewett.
Kei Nümmerche reskeet. Noch nit ens em Bett.
Hät immer jewaat op ne Prinz un si Päd.
Jetz wedde de Würm, wä d'r eeschte Stech mät.
Ibbendibbendapp: nevven d'r Kapp.
Eenemeenemutz: usjefutz.

Zijarette, Alk un Fraulück hät hä nie probeet.
Nor Rühkoß jefresse. Kackte selver op si Beet.
Beim Autobahnbesetze met dem Hollandrad
rammp hä ne Truck vum Ökomaat. Nä, wor dä Käl platt.
Ibbendibbendapp: nevven d'r Kapp.
Eenemeenemutz: usjefutz.

D'r Sänger vunner Kölsch-Bänd daach: „Ich ben d'r King.
Die hundertdausend Asis he beim Rock om Ring,
die drage mich op Häng!“ Hä sprung vun d'r Bünn.
Dä Jig wor am Engk. Dä Fleck wor janit schön.
Ibbendibbendapp: nevven d'r Kapp.
Eenemeenemutz: usjefutz.

Nen Aasch met Ohre fängk ze laabere an.
Klopp Rassistespröch, dat mer et nit mih höre kann.
Hä liet keine Jeck elans: Dä Käl es bestuß.
Dem jev ich janz bestemmp kei Bier mih us.
Ibbendibbendapp: nevven d'r Kapp.
Eenemeenemutz: usjefutz.

--------------------------------------
Ibbendibbendapp

Ein Leben lang gerödelt. Viel Schotter gemacht.
Jeden Pfennig gerafft. Auf die hohe Kante gelegt.
Geizig wie ein Widerling, fraß er seine Scheiße.
An der Raffgier erstickt. Jetzt liegt er in der Kiste.
Ibbendibbendap: neben der Kappe.
Eenemeenemutz: ausgefurzt.

Christina von der Rennbahn hat niemals gewettet.
Kein Nümmerchen riskiert. Noch nicht mal im Bett.
Hat immer gewartet auf einen Prinzen und sein Pferd.
Jetzt wetten die Würmer, wer den ersten Stich macht.
Ibbendibbendapp: neben der Kappe.
Eenemeenemutz: ausgefurzt.

Zigaretten, Alkohol und Frauen hat er nie probiert.
Nur Rohkost gegessen. Kackte selber auf sein Beet.
Beim Autobahnbesetzen mit dem Hollandrad
rammte er einen Truck vom Ökomarkt. Nein, war der Kerl platt.
Ibbendibbendapp: neben der Kappe.
Eenemenemutz: ausgefurzt.

Der Sänger einer Kölsch-Band dachte: „Ich bin der King.
Die hunderttausend Asis hier beim Rock auf dem Ring,
die tragen mich auf Händen!“ Er sprang von der Bühne.
Der Gig war zu Ende. Der Fleck war gar nicht schön.
Ibbendibbendapp: neben der Kappe.
Eenemeenemutz: ausgefurzt.

Ein Arsch mit Ohren fängt zu labern an.
Klopft Rassistensprüche, dass man es nicht mehr hören kann.
Er übt keine Toleranz: Der Kerl ist bestusst.
Dem gebe ich ganz bestimmt kein Bier mehr aus.
Ibbendibbendapp: neben der Kappe.
Eenemeenemutz: ausgefurzt.