Vum Düvel besesse

Schwatz op Kölle huck de Naach.
Widderjänger wäde waach.
Blotmond ziddert üvverm Daach.
Satan mät sing Rund un laach.

Schadde op d’r Düxer Bröck.
Ne Alp de janze Stadt bedröck.
Bleie Angs sink Stöck för Stöck.
Naachwind flöstert: Kei Zoröck!

Em Kapitol Marie un Panz
zucke spastisch ungerm Kranz.
Düvelsmusik, Höllejlanz.
En d’r Krypta Knochedanz.

Domstein bröckelt af un fällt.
Schwatze Engele brenge Kält.
Dä Mann am Krütz kriesch leis un zällt
die Siele en d’r Ungerwelt.

D’r Messeturm würch Stän öm Stän.
Elfdausend Trone falle wie Rän.
Jott verweijert uns d’r Sän.
Uns Stadt, verfuult, met Würm em Kän.

D’r Rhing ruusch singe Jravjesang.
D’r Düxer Friedhoff kennt dä Klang.
En Kirche seufz un kühmp et bang.
Satan hält et Krütz em Fang.

Unger d’r Stadt, em Labyrinth,
lijje opjebaat uns Sünd.
Die Schwatze Madonna un ehr Kind
krijje de Kräu, sin voll met Jrind.

Üvver Müllem jraut d’r Dach.
Wie jeräddert weed ich waach.
Kölle, hellich Kölle, saach:
Wor dat ne Alpdraum letzte Naach?

COLONIA CLAUDIA ARA AGRIPPINENSIUM

Kölle, du bes naaks zerresse,
vun Jott verloße un verjesse,
fiers naaks ding schwatze Messe,
bes vum Düvel janz besesse.

----------------------------------------------------------------
Vom Teufel besessen

Schwarz auf Köln hockt die Nacht.
Wiedergänger werden wach.
Blutmond zittert überm Dach.
Satan macht seine Runde und lacht.

Schatten auf der Deutzer Brücke.
Ein Alp die ganze Stadt bedrückt.
Bleierne Angst sinkt Stück um Stück.
Nachtwind flüstert: Kein Zurück!

Im Kapital Maria und Kind
zucken spastisch unterm Kranz.
Teufelsmusik, Höllenglanz.
In der Krypta Knochentanz.

Domstein bröckelt ab und fällt.
Schwarze Engel bringen Kälte.
Der Mann am Kreuz weint leise und zählt
die Seelen in der Unterwelt.

Der Messeturm würgt Stern um Stern.
Elftausend Tränen fallen wie Regen.
Gott verweigert uns den Segen.
Unsere Stadt, verfault, mit Würmern im Kern.

Der Rhein rauscht seinen Grabgesang.
Der Deutzer Friedhof kennt den Klang.
In Kirchen seufzt und klagt es bang.
Satan hält das Kreuz im Fang.

Unter der Stadt, im Labyrinth,
liegen aufgebahrt unsere Sünden.
Die Schwarze Madonna und ihr Kind
kriegen die Krätze und Räude, sind voller Grind.

Über Mülheim graut der Tag.
Wie gerädert werde ich wach.
Köln, heiliges Köln, sag:
War das ein Alptraum letzte Nacht?

COLONIA CLAUDIA ARA AGRIPPINENSIUM

Köln, du bist nachts zerrissen,
von Gott verlassen und vergessen,
feierst nachts deine schwarze Messen,
bist vom Teufel ganz besessen.